Gjógvin, sum hevur givið bygdini navn, liggur norðast í bygdini. Trappa er niður til lendingina. Gongur tú fram við gjónni úteftir, kanst tú síggja lunda sita í bakkanum. Uttast á nesinum niðanfyri, úti á Niðara Nasa, er bonkur settur upp til minnis um, tá krúnprinsahjúnini vitjaðu við Gjógv í 2005. Bonkurin verður kallaður Marys bænk.

At sita á Marys bænk og skoða havið, er ein ógloymandi uppliving – góðar summarløtur ella ein vetrardag, tá ið náttúran vísir sítt veldi, og norðhavsbylgjan brestur í klettin.

Vesi: Almenn vesi eru við Gjónna. Eystan fyri bygdina við kirkjuna eru vesi, ið eru ætlað teimum, ið búgva á kampingøkinum. Tó er handikapvesið opið fyri teimum, ið tørva tað.

Góðan túr og minst til at kanna veðrið.